Agat.am առցանց գնումների հարթակի («Agat.am») օգտագործման ընդհանուր դրույթները և պայմանները («Պայմաններ») կարգավորում են «ԱԳԱԹ» Գրուպի («Ընկերություն», «մենք») և Agat.am մուտք գործած ինտերնետ օգտագործողների («օգտվողներ», «Դուք») միջև հարաբերությունները:
Օգտվելով Agat.am-ից` Դուք Ձեր համաձայնությունն եք տալիս ստորև շարադրված պայմաններին, ինչպես նաև մեր «Գաղտնիության քաղաքականության»-ը: Եթե համաձայն չեք նրանց հետ, հարկավոր է դադարեցնել Agat.am-ի օգտագործումը:
Ընկերությունն իրեն իրավունք է վերապահում ժամանակ առ ժամանակ փոփոխություններ կատարել Կայքի բովանդակության, «Գաղտնիության քաղաքականության» և սույն Պայմանների մեջ:
Պայմանները սահմանված են և մեկնաբանվում են` համաձայն ՀՀ օրենսդրության:
1. Ի՞նչ է Agat.am–ը
Agat.am-ը առցանց գնումների հարթակ է, որը հասանելի է agat.am հասցեով (ներառյալ տիրույթի բոլոր մակարդակները) ամբողջական և բջջային տարբերակներով։
Agat.am-ը իրենից ներկայացնում է առցանց գնումների հարթակ, որտեղ օգտվողները կարող են կատարել ֆիզիկական ապրանքների գնումներ։
Ընկերությունը թույլատրում է բոլոր օգտվողներին ծանոթանալ Agat.am-ում տեղադրված ապրանքատեսակնիի հետ՝ ըստ նախատեսված Պայմանների։
2. Գրանցում Agat.am–ում
Agat.am-ում գրանցվելու համար Ձեր տարիքը պետք է լինի 18-ից բարձր:
Գրանցվելով Agat.am-ում ՝ Դուք հավաստում եք, որ գրանցման ժամանակ կամ դրանից հետո տրամադրված տվյալները ճշգրիտ և ամբողջական են:
3. Մուտք Agat.am-ում Ձեր անձնական էջ
Դուք կարող եք մուտք գործել Ձեր անձնական էջ Ձեր Օգտանուն-ի և Գաղտնաբառ-ի օգնությամբ։
Դուք պարտավոր եք պահպանել Ձեր Agat.am մուտքի մանրամասների գաղտնիությունը։ Եթե հիմք ընդունեով որոշակի փաստեր վստահ եք, որ ինչ-որ մեկը չարտոնված կերպով ձեռք է բերել Ձեր մուտքի տվյալները, խնդրում ենք անհապաղ տեղեկացնել մեզ այդ մասին: Ձեր մուտքի տվյալներն օգտագործող լիազորված անձի կողմից Agat.am-ում կատարված բոլոր գործողությունները կհամարվեն որպես Ձեր կողմից կատարված գործողություններ: Դուք պատասխանատու կլինեք նման գործողությունների համար:
4. Օգտագործողների մասին տեղեկատվություն
Ձեր կողմից Ընկերությանը տրամադրվող Ձեր մասին տեղեկատվությունը պետք է լինի հուսալի, արդիական և չպետք է խախտի երրորդ անձի իրավունքները և օրենսդրությունը։ Անհրաժեշտության դեպքում Դուք պարտավոր եք դրանք թարմացնել Agat.am-ի Ձեր անձնական էջում։
Մենք երրորդ կողմին չենք հայտնում օգտվողների մասին այն տեղեկատվությունները, որը հանրության համար փակ է, բացառությամբ այն դեպքերի, երբ օրենքով այլ բան է նախատեսված (օրինակ ՝ որոշ պետական կառույցների հարցումով): Միևնույն ժամանակ, մենք չենք կարող պատասխանատվություն կրել երրորդ կողմի անօրինական գործողությունների համար ՝ կապված այն տեղեկատվության հետ, որը դուք տեղադրել եք Agat.am-ի բաց տիրույթում:
Մենք վերլուծում ենք, թե ինչպես եք Դուք օգտագործում Agat.am այն ավելի լավը դարձնելու համար:
5․ Agat.am–ի և օգտագործողների միջև հաղորդակցությունը
Մենք կարող ենք Ձեզ ուղարկել՝
- ծանուցումներ, որոնցից հրաժարվել Դուք չեք կարող․ Օրինակ՝ նամակ Ձեր էլեկտրոնային փոստին, Ձեր գրանցումը հաստատելու համար․
- ծանուցումներ՝ որոնք կապված են Ձեր գործողությունների հետ Agat.am-ում․
- նամակ՝ ի պատասխան Ձեր նամակների․
- նամակ՝ պատվերի կարգավիճակի վերաբերյալ:
Մեր նորույթների, տարատեսակ ակցիաների և այլնի վերաբերյալ նամակներ կստանաք միայն այն դեպքում, եթե բաժանորդագրված եք մեր փոստառաքման ծառայությանը:
Մենք կարող ենք Ձեզ հաղորդագրություններ ուղարկել Ձեր անձնական տվյալներում նշված էլեկտրոնային փոստի հասցեին կամ հեռախոսահամարին: Որոշ դեպքերում մենք կարող ենք նաև կապվել Ձեզ հետ հեռախոսով (օրինակ՝ հետադարձ կապ ստանալու և ծառայությունները բարելավելու համար):
6․ Անձնական էջի ջնջում
Դուք իրավունք ունեք ցանկացած պահի ջնջել Ձեր անձնական էջը Agat.am-ում` կապվելով մեր օժանդակ ծառայության հետ:
7. Օգտագործողների պարտավորությունները
Օգտագործելով Agat.am-ը և համագործակցելով Ընկերության հետ` Դուք համաձայն եք.
- խստորեն պահպանել բոլոր իրավական պահանջները.
- պահպանել Agat.am-ից օգտվելու կանոնները և Ընկերության ցուցումները․
- չձեռնարկել գործողություններ, որոնք կարող են խանգարել Agat.am-ի բնականոն գործունեությանը:
8. Խախտումները և դրանց հետևանքները
Մենք ցանկանում ենք Agat.am-ը դարձնել ավելի հարմարավետ և անվտանգ, ուստի ցանկացած պահի, մեր հայեցողությամբ իրավունք ենք մեզ վերապահում պատահականորեն ստուգել, արդյոք օգտվողները պահպանում են օգտագործման Պայմանները, թե ոչ։ Դրա համար մենք կարող ենք օգտագործել ավտոմատացված մեթոդներ:
Մենք իրավունք ունենք քայլեր ձեռնարկել, եթե հիմքեր կան ենթադրելու, որ օրենքի, երրորդ անձանց իրավունքների կամ Պայմանների խախտում է տեղի ունեցել կամ կարող է առաջանալ՝ օգտագործելով Ձեր աձնական էջը կամ Ձեր տեխնիկական միջոցները: Մենք իրավունք ունենք սահմանափակել կամ արգելափակել Ձեր աձնական էջը կամ Agat.am-ի որոշ ֆունկցիոնալներ: Մենք իրավունք ունենք նաև սահմանափակել որոշակի IP հասցեներից մուտքը դեպի Agat.am:
Մենք կարող ենք սահմանափակել անձնական էջի մուտքը՝ օգտագործման Պայմանների բազմակի կամ չարամիտ խախտումների, հաշվի կոտրման, օգտագործողի կողմից մեր պահանջով փաստաթղթեր կամ տեղեկություններ չտրամադրելու դեպքում:
Մենք իրավունք ունենք սահմանափակել կամ վերականգնել անձնական էջի մուտքը՝ առանց պատճառաբանելու նման գործողությունները:
9. Եզրափակիչ դրույթներ
Պայմանների 2, 3, 6 բաժինների դրույթները վերաբերվում են Agat.am-ում գրանցված օգտատերերին: Մնացած բոլոր դրույթները վերաբերվում են Agat.am-ի բոլոր օգտագործողներին: Agat.am-ի հետ փոխհամագործակցության ցանկացած տարբերակ (ներառյալ տեղեկատվության դիտումը) հաստատում է Ձեր համաձայնությունը Պայմանների հետ:
Agat.am-ի ֆունկցիոնալությունը ցանկացած պահի կարող է փոխվել, լրացվել կամ դադարեցվել՝ առանց օգտվողներին նախապես ծանուցելու: Agat.am-ի օգտագործումն առաջարկվում է «ինչպես կա» ռեժիմում, այսինքն` այն ձևով և ծավալով, որով Ընկերությունը ներկայացնում է Agat.am-ի գործունակությունը նրան դիմելու պահին: Մենք պատասխանատվություն չենք կրում Agat.am-ի աշխատանքի ժամանակավոր ձախողումների, ընդհատումների և դրանց պատճառած տեղեկատվության կորստի համար: Մենք պատասխանատվություն չենք կրում Agat.am-ի օգտագործման ժամանակ ցանկացած անուղղակի, պատահական, ոչ դիտավորյալ վնասի, այդ թվում` կորցրած տվյալների համար:
Agat.am-ը կարող է պարունակել հղումներ դեպի երրորդ կողմի կայքեր: Մենք չենք վերահսկում և պատասխանատվություն չենք կրում այդպիսի երրորդ կողմի կայքերի հասանելիության, բովանդակության կամ օրինականության համար:
Ընկերության և օգտագործողների միջև բոլոր վեճերը լուծելիս կիրառվում է ՀՀ օրենսդրությունը: Բոլոր վեճերը պետք է դատարան ուղարկվեն Ընկերության գտնվելու վայրի (Երևան) տարածքային իրավասությանը համապատասխան, եթե օրենքով այլ բան նախատեսված չէ:
Անհրաժեշտության դեպքում մենք թարմացնում ենք Agat.am-ի օգտագործման Պայմանները: Խորհուրդ ենք տալիս պարբերաբար այցելել այն էջը, որի վրա դրանք տեղադրված են` https://agat.am/ogtagorcman-paymanner։ Պայմանները փոխելուց հետո շարունակելով օգտագործել Agat.am-ն, Դուք տալիս եք Ձեր համաձայնությունը դրանցում կատարված փոփոխություններին:
Եթե այլ հարցեր ունեք Agat.am-ի օգտագործման Պայմանների վերաբերյալ, կարող եք կապվել մեր համապատասխան մասնագետների հետ:
«ԱԳԱԹ» Գրուպ
ՀՀ, ք. Երևան, Զաքարիա Քանաքեռցու 68/4
